06.07
ianx
Parantos kacarioskeun kapungkurna di hiji lembur aya hiji peperangan anu nyayogikeun hiji intrik sareng dilema dina kahirupan, nyaeta perkawis cinta. Kacarioskeun yen aya dua pameget anu resep ka hiji istri. Pameget dua eta teh kacarioskeun mah saurang raja, teras istri eta teh nyaeta hiji puteri dina hiji karajaan. Singkat carita, dua pameget eta teh mangributkeun saha anu bisa menangkeun istri eta nu sakitu geulis na. Kajadian we dina hiji waktos nu te disangki-sangki si dua pameget eta teh papendak teras geulut marebutkeun istri eta. Dina waktos nu sanes pas aya hiji pameget nu bade nyampeurkeun istri eta kaleresan nuju dangdan teras rewas ku margi bade disampeurkeun ku pameget ta. Bakating riweuh na hayang kabur ti udagan pameget eta nepi ka dangdanan na teh mancawura te puguh, marurag we di hiji tempat nu ayeuna ka uninga na disebat Darangdan.
Dumasar kana carita anu di luhur eta hiji tempat katelah darangdan kumargi aya jalmi anu gurung gusuh dina dangdana. Darangdan teh ayenamah katelahna salah sahiji kacamatan tina tujuh belas kacamatan anu aya di kabupaten Purwakarta. Alhamdulillah dina kahirupan nana mah kecamatan Darangdan teh tiasa kasebat asri keneh, ari legana wilayah darangdan kirang langkung 6.751 desa anu aya di kacamatan darangdan teh aya 15 desa nyaeta Darangdan, Nangewer, Pasirangin, Neglasari, Linggasari, Sawit, Sirnamanah, Depok, Legoksari, Mekarsari, Gununghejo, Sadarkarya, Linggamukti, Cilingga, sareng Nagrak.
3 komentar:
abdi urang Darangdan nembe terang...:)
Dumasar katerangan ti Almarhumah Ma Ayu nu taun 50an gaduh warung di palebah pangkalan ojeg sirnamanah ayeuna, Abad 18an akhir darangdan teh masih keneh leuweung muncang, rombongan nu dagang atawa tentara mataram nu rek nyerbu ka batavia sok areureun heula palebah darangdan ayeuna, siap2, roda di pariksa, kudana sina nyatu heula, babawan di beresan, sababna palebah gunung hejo sok aya maung megat nu liwat, katelah we tempat eta tempat darangdan heula rombongan, asal nepi ka tempat eta darangdan, jadi asa teu nyambung mun darangdan dikaitkeun jeung dongeng di luhur mah.
Jadi versi nu mana nya nu leres 😅
Posting Komentar